Охид хүчирхийлж, жирэмсэн болгосон хүчирхийлэгчдийн эгнээг толгойлж байгаа хурандаа Баатаржавт хариуцлага тооцох хэрэгтэй

Админ1 2019-05-21 | 19:37:08
Охид хүчирхийлж, жирэмсэн болгосон хүчирхийлэгчдийн эгнээг толгойлж байгаа хурандаа Баатаржавт хариуцлага тооцох хэрэгтэй

Увс аймгийн цагдаагийн газрын алба хаагчид насанд хүрээгүй сурагч охидыг хүчирхийлж, нэг сурагч жирэмсэн болсон гэх харамсалтай хэрэг бүртгэгджээ. Увс аймгийн Өндөрхангай сумын цагдаа М нь тус сумын иргэн Н-ийг хүчирхийлсэн гэх мэдээллийг хохирогчийн ар гэрийнхэн аймгийн цагдаагийн газарт өгчээ. Хэргийг шалгах явцад сумын цагдаа М гэгч өөрийн шалгаж байсан хэргийн сэжигтэн М-ийн найз охин Н-ийг албан тушаалаараа далайлган хүчирхийлсэн болох нь тогтоогджээ. Улмаар хэрэгт холбогдсон цагдаагийн алба хаагчийг ажлаас нь чөлөөлсөн байна. Дээрх хэргийг харьяаллын дагуу Цагдаагийн ерөнхий газрын Тусгай субъектын хэлтэст эрүүгийн хэрэг нээн, шалгаж эхэлжээ.

Мөн түүнчлэн Увс аймгийн Зүүнхангай сумын хэсгийн цагдаа, цагдаагийн ахлагч Д гэгч насанд хүрээгүй охиныг уруу татан, удаа дараа бэлгийн харьцаанд орсон гэмт хэрэг үйлджээ. Энэ хэргийн улмаас сурагч охин жирэмсэлж, өнөөдрийн байдлаар зургаан сартай ураг тээж байна.

Хохирогч охиныг жирэмсэн болсон гэдгийг түүний аав мэдээгүй байсан ба хөдөө явахдаа хэсгийн цагдаагаас охиноо харж хандаж байхыг хүсдэг байжээ. Энэ хэрэгт цагдаагийн алба хаагч холбогдсон учраас аймгийн удирдлагууд хэргийг нуун дарагдуулах оролдлого хийсэн гэх мэдээлэл байна. Түүнчлэн хохирогчийн тээж буй ургийг авахуулах мэс ажилбар хийлгэх талаар аймгийн нийгмийн хэлтсийнхэн хүсэлт гаргасан ч Эрүүл мэндийн төвийн нарийн мэргэжлийн эмч нар охины эрүүл мэндэд эрсдэлтэй гэж үзэн, татгалсан хариу өгчээ. Охиныг Увс аймаг дахь Гэр бүл, хүүхэд залуучуудын хөгжлийн газар хамгаалалтад авч, Хүчирхийлэл үйлдсэн цагдаагийн алба хаагчийг ажлаас нь чөлөөлж, хэрэг үүсгэн шалгаж байна.  Цагдаагийн ерөнхий газрын Хэвлэл мэдээллийн төвийн дарга, цагдаагийн дэд хурандаа Б.Баатархүү "Цагдаагийн байгууллага, алба хаагчийн сахилга ёс зүйтэй холбоотой хяналт, шалгалтыг тогтмол явуулж байгаа. Энэ оны нэгдүгээр сарын 1-нээс эхэлж хэрэгжсэн Төрийн албаны тухай хуулийн хэрэгжилттэй холбоотойгоор Цагдаагийн ерөнхий газрын дэд дарга буюу Дотоод хяналт шалгалт, аюулгүй байдал хариуцсан даргын чиглэлийн дагуу цагдаагийн алба хаагчийн ёсзүй, үүрэг хариуцлагад голчлон анхаарах, алдаа дутагдлыг олж илрүүлэх үүргийн дагуу ажиллаж байгаа. Дээрх хэргийн талаар ирсэн мэдээллээр бол Увс аймгийн цагдаагийн газар дотоод хяналт шалгалт явуулж, энэ хэргийг илрүүлсэн байна. Улмаар цагдаагийн алба хаагчийн ёс зүйг ноцтой зөрчсөн гэх асуудлаар алба хаагчийг ажлаас нь чөлөөлөх арга хэмжээ авсан. Харин үйлдсэн гэмт хэргийн талаарх асуудлыг Увс аймгийн цагдаагийн газарт шалгаж, прокуророос харьяалал тогтоон,  Мөрдөн байцаах албаны Тусгай субъектын хэлтэст шилжүүлсэн. Энэ хэрэгт хэрэг бүртгэлийн хэрэг нээгээд шалгагдаж байна” гэлээ. Насанд хүрээгүй охидыг төрийн цагдаа нь хүчирхийлээд бүр жирэмсэн болгосон энэ ноцтой асуудлыг эрүүгийн хэрэг үүсгэсэн нэрээр хаж, халхавчлаад өнгөрүүлж болохгүй. Өнөөдөр ийм  албан хаагчаар багаа бүрдүүлсэн, ингэтлээ албан хаагчид ёс суртахууны доройтолд орсон ЦЕГ түүний удирдлага хариуцлага хүлээх ёстой. "Миний цагдаа намайг хамгаална" гэдэг дотно сайхан үг, итгэлийг ингэж уландаа гишгүүлсэн даргатай нь хариуцлага тооцохгүй бол Монголын цагдаагийн байгууллагаас цаашид хэдэн хүчирхийлэгч төрөхийг хэн ч таашгүй. Албан хаагчдаа ёс суртахуунтай, өргөсөн тангарагтаа үнэнч зүтгэх удирдлагаар хангаж чаддаг хүнээр удирдуулах хэрэгтэй. 

Охид хүчирхийлж, жирэмсэн болгосон хүчирхийлэгчдийн эгнээг толгойлж байгаа хурандаа Баатаржавт хариуцлага тооцох хэрэгтэй  
NerTur.MN - Facebook  

Сэтгэгдэл бичих:

Нэмэх

Бид мэдээ мэдээллийг хэрэглэгчийн гарт хэрэглэхэд эвтэйхэн хялбар байлгах үүднээс бүх төрлийн төхөөрөмжийн (phone, tablet, desktop) дэлгэцэнд тохир...

Бидний тухай

Хаяг:
Дипломат хотхон, 3-33 тоот
Чингэлтэй дүүрэг,
Улаанбаатар хот

Утас: 
976-77365888

Имэйл:
info@nertur.mn